السلام عليكم دكتور سمير

انا بدعي لحضرتك كل يوم , حضرتك سبب ف ان معاناتي تنتهي انا كنت عايشة كما الاموات . حضرتك رجعتني للحياة . فمن أحياها فكأنما أحيا الناس جميعا

, انا رجعت احسن من الأول بكتير و بقيت اكتر إنتاجية من الأول ومزاجي مظبوط وكمان مش بس بقيت ملتزمة ف دراستي اكتر انا بقيت بساعد زملائي ف الدراسة .

انا قربت من السلام النفسي بسبب حضرتك ….بشكرك من كل قلبي على مساعدتك ليا

كنت ف نوبة مختلطة الأيام ال فاتت ال عمرها ما عدت عليا الا واذيت نفسي و دخلت بسببها العناية المركزة. المرة دي …… حضرتك كنت دايما متواجد وبتساعدني لحد ما خرجت منها بسلام ورجعت احسن من الأول.

شكرا شكرا شكرا كتيييير بدعي لحضرتك كتير اوي اوي …. ربنا يريح قلبك يا دكتور ولا يذيقك بلاء ولا الم ابدا يارب , و يعطيك حتى ترضى يارب .

حضرتك كاتب في الواتساب giving is the secret of life انا حطيت الجملة دي ف دماغي و ف قلبي ومشيت بيها و بقيت بدور على أي حد محتاج مساعدة و اساعده وبقيت بستمد قيمتي من دا و قلبي نور بسبب دا

كل دا بسبب حضرتك

حضرتك بالنسبه لى قدوة …و لك الثواب مع كل انسان هساعده و اثرك باقي .